Helene aamma Svend Jungep Aningaasaateqarfianiit tapernikuusat

Helene aamma Svend Jungep Aningaasaateqarfia Ajunngitsuliornermut Siunertalimmut Atugassiami ukiut tamaasa projektit assigiinngitsorpassuit tapiiffigisarpagut. Quppernermi uani projektit assigiinngitsut tapernikuusagut atuarsinnaavatit.

Aningaasaateqarfik ukiumut sisamariarluni ataatsimiittarpoq - upernaakkut marluk ukiariartorneranilu marluk.

    Soraarninngornikunik juullimi nereqatigiinnissamut
    Timersornermi angalanissamut
    Unnuap tulugai
    Meeqqanut perorsaavik Nanu
    Nuummi spejderit
    Angerlarsimaffeqanngitsut juullisiornerat aammalu NSP sisoraatinik pisinissaminnik

Meeqqat atuarfeqarfii, ilinniarnertuunngorniarfik, Niuernermik Ilinniarfik, kiisalu
innarluutillit atuarfeqarfii paasisassarsiorlutik angalanissaannut aningaasaliisinnaasarpugut
tunngavissaqarluarsorigutsigu. Maluginiarneqassaarli ataasiaannartumik
tapiisoqartarmat.

Paasisassarsiorluni angalanissanut

Aningaasaateqarfiup tapersersortarpai aningaasaliiffigisarlugillu meeqqat atuarfii atuarfiillu innarluutilinnut tunngasut isumaqarutta tunngavissaqartut. Una erseqqissaatigissavarput aningaasaateqarfik ataasiaannarluni tapiisarmat.

Aningaasaateqarfimmi ukua naliginnaasumik tunngavigisarpagut:

Paasisassarsiorluni angalanissamut meeqqat atuarfiani ilinniartoq ataaseq taperneqarsinnaammat kr. 1.000,- atuaqatigiillu ataaseq kr 5.000,-

Peqatigiiffiit ingerlanneqarnissaannut aamma upperisamik sammisalinnut imaluunniit politikkikkut siunertalinnut aalajangersimasunillu inuussutissarsiutilinnut sammisalinnut aningaasaliineq ajorpoq.

AFIS-imut assigisaannullu ilinniaqqinnernillu tapersiineq ajorpoq.

Inuit ataasiakkaanut tapersiineq ajorpoq.